واحدة من أسعد لحظات حياتي مع الاهلي وقت ارتداء علي معلول شارة القيادة وفي وسط احتفاء قوي من الجماهير، علي معلول في الفترة دي كان شخصية قائد ارض الملعب لكن بدون شارة، وده باين جداً من تعليمات المدير الفني ليه انه يوجه اللعيبة.
انا بحب علي معلول جداً ايقونة الجيل الحالي واهم وافضل محترف في تاريخ الاهلي بلا منازع كمان، علي معلول اعتقد انه المحترف الوحيد في تاريخ الاهلي انه يلبس شارة القيادة وهذا شرف كبير يستحقه ابن تونس الخضراء.
كان نفسي جداً علي معلول يوافق علي الحصول علي الجنسية المصرية، نهاية علي معلول مع الاهلي كانت نفسي تبقي اجمل من كده، كان نفسي يلعب فترة اطول من كده انا لحد دلوقتي مش متخيل الموسم الجديد بدون علي معلول موسم آخر بدون اهم صانع العاب الفريق وليس مجرد ظهير طائر.
علي معلول مهما اقول عليه من كلام عمري ما اقدر اوصف وحبي وتقديري ليه لاعب اشتري الجمهور والنادي في وقت ما الكل باعك منهم ولاد النادي، لاعب تحس انه متربي في الناشئين عندك، بيموت نفسه في ارض الملعب عنده مسئولية كبيرة انه يشيل الفريق علي كتفه.
انا بحب علي معلول اوي يا جماعة الراجل ده سبب كبير اوي في سعادتي في الحياة مش بس مع الفريق ♥.
View Source
